काठमाडौं– धेरै वटा सार्वजनिक समारोहमा सँगै कम्मर मर्काएका अभिनेता दिलिप रायमाझी तथा अभिनेत्री केकी अधिकारीले पर्दामा पहिलो पटक एकसाथ काम गरेका छन् । यो जोडीले पहिलो पटक एउटा आधुनिक गीतको म्युजिक भिडियोमा अनस्क्रिन रोमान्स गर्ने अवसर पाएको हो ।
गीतकार नारायण भारतीले केकी र दिलिपलाई यस्तो अवसर जुराइदिएका हुन् । अमेरिकामा बसोबास गरिरहेका गीतकार भारतीले रचना गरेको ‘चमेली’ शीर्षकको गीतको म्युजिक भिडियोमा केकी र दिलिपको अनस्क्रिन रोमान्स देख्न सकिन्छ ।
गायक नरेश गौतमको यो गीतको म्युजिक भिडियोको निर्देशन विशाल भण्डारीले गरेका छन् । गीतलाई एनके ब्रदर्सले संगीतबद्ध गरेका हुन् । उदय राज पौडेलले गीतमा संगीत संयोजन गरेका छन् ।
चमेलीको म्युजिक भिडियो यूट्युबमा अपलोड भएको दुई दिनमै दुई लाख भन्दा बढि पटक हेरिसकिएको छ ।
भिडियोलाई गीतकार नारायण भारती तथा ईशा शर्मा भारतीले निर्माण गरेका हुन् । हाइलाइट्स नेपालको यूट्युब च्यानलबाट उक्त भिडियो अपलोड गरिएको हो ।
यस्ताे छ भिडियाे
The post ‘चमेलीमा’ केकी र दिलिपको मस्ती appeared first on Sajha Post.