आफ्नी छोरीका लागि यो सब गर्न चाहन्छिन् सनी

एजेन्सी, ८ असोज । बलिउड अभिनेत्री सनी लियोनीले केही समयअघि मात्र एक बच्चालाई धर्मपुत्री बनाएकी थिइन् । उनले आफ्नो छोरीका लागि धेरै कुरा गर्न बाँकी रहेको बताएकी छन् ।

आफूहरुले उक्त बच्चासँग हरेक सेकेन्ड आनन्द लिएको बताइन् । उनले छोरीलाई धेरै कुरा सिकाउन र संसार देखाउन आतुर रहेको समेत बताइन् । उनले छोरीको नाम निशा कौर वेबर राखेकी छन् ।

सनीले भनिन्, ‘मेरो पुरा जिन्दगी राम्रोको लागि बदलिएको हो । समयतालिका बनाउन त्यति कठिन छैन, जति हामी सोच्थ्यौं र अहिले उनी यति ठूली भइसकेकी छ कि जरुरत परे हामीसँगै घुम्न पनि सक्छिन् ।’

सनीले थपिन्, ‘मैले उनीसँग हर सेकेन्डको आनन्द उठाइरहेकी छु । मैले योभन्दा बढी केही पनि माग्न सक्दिनँ । हामी वास्तवमै निकै भाग्यमानी छौं ।’

उनले छोरीसँगको पल नै जीवनको सबैभन्दा राम्रो अनुभव भएको र उनलाई संसार घुमाउन र धेरै कुरा सिकाउनका लागि कुर्न नसक्ने समेत बताइ्न।

रईस’ र ‘भूमि’ जस्ता फिल्ममा स्पेशल डान्स गरेकी अभिनेत्री लियोनी भन्छिन्, ‘म यो मान्दिनँ कि कुनै एक चीज लामो समयसम्म टिक्छ । त्यसैले म विश्वको जुन ठाउँमा भएपनि सँधैं खुशी रहन्छु ।’

The post आफ्नी छोरीका लागि यो सब गर्न चाहन्छिन् सनी appeared first on Sajha Post.