मुम्बई । भारतीय कमेडियन रज्जाक खानको मृत्यु भएको छ । बलिउडमा ‘गोल्डेन भाई’को नामले परिचित रज्जाकको हृदयघातका कारण बुधबार निधन भएको हो । रज्जाक खानले बलिउडमा कमेडियन र चरित्र अभिनेताको छवि बनाएका थिए ।
उनले दिउँसो साढे दुई बजे अन्तिम सास लिएका थिए । उनलाई हृदयघात भएपछि बान्द्रा अस्पतालमा भर्ना गरिएको थियो ।
रज्जाक खानले १९९३ मा फिल्म ‘रुपकी रानी, चोरों का राजा’बाट करियर सुरु गरेका थिए । उनले शाहरुख खान अभिनित फिल्म ‘बादशाह’मा मणिकचंदको भूमिकामा, सलमान खान अभिनित फिल्म ‘हेलो ब्रदर’मा निंजा चाचाको भूमिकामा र गोविन्दा अभिनित फिल्म‘आखियों से गोली मारे’मा उनले टक्कर पहलमानको भूमिका निभाएका थिए ।
रज्जाक खानको निधनले बलिउड स्तब्ध बनेको छ । उनले ९० भन्दा बढी फिल्ममा काम गरेका थिए ।
The post बलिउड कमेडियन रज्जाक खानको हृदयघातका कारण निधन appeared first on Sajha Post.