एजेन्सी, ६ कार्तिक । भारतमा पछिल्लो समय ‘मि टु’ ट्रेडले ठुलै तरंग ल्याएको छ ।
बलिउड भित्र यौन शोषणमा परेका पीडितहरुले एकपछि अर्को गर्दै रहस्यहरु बाहिर ल्याइरहेका छन् ।
यसैबिच सबैभन्दा विवादमा परेका छन् निर्देशक तथा फिल्म निर्माता साजिद खान । उनविरुद्ध युवतीहरुले यौन शोषण गरेको आरोप लगाएका छन् । सलोनी चोपडाले उनीविरुद्ध आरोप लगाएपछि अन्य युवतीहरुले आफुमाथि भएको यौन शोषणको रहस्य खोलेका हुन् ।
उनीमाथि राचेल वाइटले पनि यौन शोषण गरेको आरोप लगाएकी छिन् ।
फिल्मको अफर गर्ने र यौनको प्रस्ताव पनि राख्ने गरेको उनीहरुले आरोप लगाएका छन् । यो विवाद आएपछि ठुला स्टारहरुले उनीसँग काम गर्न नमानेको समेत मिडिया रिपोर्टमा उल्लेख छ ।
फिल्म हाउसफुल ४ को निर्देशक रहेका उनले आफ्नो जिम्मेवारीबाट पछि हट्न बाध्य भएको मिडिया रिपोर्टमा उल्लेख छ ।
बलिउड स्टार अक्षय कुमारले साजिद खानसँग काम नगर्ने बताएपछि उनले नैतिकता देखाउँदै पछि हटेका थिए । यसबारे अनुसन्धान हुने र छिट्टै नै साजिद खानमाथि लगाइएको आरोपबारे फैसला हुने समेत बताइएको छ ।
The post ‘मि टु’ मुभमेन्टका कारण धरापमा पर्यो साजिद खानको करिअर appeared first on Sajha Post.