यस्तो छ सलमानको ‘रेस ३’को ओपनिङ अनुमान

मुम्बई, ३१ जेठ । बलिउड सुपरस्टार सलमान खान ईदमा हरेक वर्ष उपहारस्वरुप फिल्म लिएर आउँछन् । सलमानले यसवर्ष पनि त्यसको निरन्तरता दिएका छन् । शुक्रबारदेखि उनको फिल्म ‘रेस ३’ पर्दामा आउँदैछ । सलमानले यसलाई चुनौतिको रुपमा समेत हेरेको बलिउड पण्डितहरुले बताएका छन् ।

कोरियोग्राफरबाट निर्देशक बनेका रेमो डिसूजाको फिल्म ‘रेस ३’ यस ईदको सबैभन्दा बढी र एकमात्र आकर्षक हुनेछ किनकी बलिउडमा अन्य फिल्म रिलिज हुनेछैन ।

यस फिल्मलाई केही परिवर्तन गरी यू/ए सर्टिफिकेट दिएर पास गरेको हो । करिब १ सय ४० करोडमा बनेको फिल्म भारतभर चार हजार स्क्रीनमा रिलिज हुँदैछ । फिल्म भारत बाहेक अन्य देशहरुमा पनि लाग्दैछ ।

फिल्म पण्डितका अनुसार ‘रेस ३’ले पहिलो दिन ३२ देखि ३५ करोडसम्म कमाउनेछ । यद्यपी फिल्मको गीत अहिलेसम्म पनि जान्न पाइएको छैन । यस फिल्मलाई सलमान खान र रमेश तौरानीले प्रोड्युस गरिरहेका छन् । जानकारीका अनुसार फिल्मलाई १ सय ३० करोड भारुमा स्याटलाइट राइट्स सम्झौता भइसकेको छ ।

ईदमा रिलिज भएका सलमानको फिल्मले पहिलो दिनको व्यापार :

एक था टाइगर – ३२ करोड ९३ लाख

किक – २६ करोड ४० लाख

बजरंगी भाईजान – २७ करोड २५ लाख

सुल्तान – ३६ करोड ५४ लाख

ट्यूबलाईट – २१ करोड १५ लाख

यसपटकको ईदमा सलमानको फिल्मले कतिको ओपनिङ गर्छ त्यो शुक्रबार नै थाहा हुनेछ ।

The post यस्तो छ सलमानको ‘रेस ३’को ओपनिङ अनुमान appeared first on Sajha Post.