काठमाडौं, १ माघ । चलचित्र ‘साली कसको भेनाको’ निर्माण हुने भएको छ । यस अघि कर्जा ,कान्छी ,सन्तान जस्ता सफल चलचित्र निर्माण गरिससकेका चितवनका पुराना निर्माता प्रसाद श्रेष्ठको प्रस्तुति रहने ‘साली कसको भेनाको’ लाई भद्र भुजेलले निर्देशन गर्ने भएका छन् ।
माघ २ गते चितवनमा शुभ मुर्हत गरेर छायांकन सुरु गरिने ‘साली कसको भेनाको’ को छायांकन चितवन र धम्पुसमा गरिने छ । कलाकार पुष्प आचार्यको कथा रहेको यस चलचित्रमा प्रसाद श्रेष्ठ ,सुरज शाही ठकुरी र मिन घलानको संगीत रहने छ ।
चलचित्रमा विल्सन विक्रम राई , सुष्मा कार्की ,मरिष्का पोखरेल, रजनी गुरुङ, प्रिया रिजाल, जयनन्द लामा ,कविता आले, पुस्कर गुरुङ लगायतका कलाकारहरुको मुख्य भूमिका रहने छ । यसै चलचित्र बाट दीपा सागरले नायकको रुपमा डेब्यु गर्दैछन् ।
मानविय समवेदना माथि निर्माण गरिन लागिएको ‘साली कसको भेनाको’ कमेडी तथा पारिवारिक चलचित्र रहेको बताइएको छ । चलचित्रमा मगर जतिको संस्कृतिमा साली र भेना बीचको सम्बन्धलाई देखाउन खोजिएको छ ।
दिर्घ गुरुङको छायांकन रहने यस चलचित्रमा वसन्त श्रेष्ठ, गम्भीर बिष्ट र सुमित लामाको नृत्यनिर्देशन रहने छ । चलचित्र ‘साली कसको भेनाको’ लाई सुनिल कुमार न्यात्स्यो , विशाल श्रेष्ठ , उमेश अधिकारी र मुक्ति अधिकारीले मिलेर निर्माण गर्न लागेका हुन्।
The post ‘साली कसको भेनाको’ मा विल्सनविक्रम राईसँग सुष्मा कार्कीको रोमान्स appeared first on Sajha Post.