नयाँ दिल्ली, १५ चैत । बलिउड गायिका कनिका कपुरलाई कोरोना भाइरसको संक्रमण भएको खबर मिडियामा आएपछि यसले ठूलै तहल्का पिट्यो । यो खबर सेलाउन नपाई अर्की एकजना बलिउड अभिनेत्री पनि अस्पताल पुगेकी छिन् ।
बलिउड अभिनेत्री राधिका आप्टेले आफ्नो इन्स्टाग्राममा एउटा फोटो शेयर गरेकी छिन् । उक्त फोटोमा उनी अस्पतालमा देखिएकी छिन् ।
फोटोमा राधिका अनुहारमा मास्क लगाएकी छिन् भने आँखामा चश्मा । उनी बेन्चमा बसेकी छिन् । तस्बिरमा खाली अस्पतालको दृश्य देखिएको छ ।
कोरोना प्रकोपको बीचमा राधिकालाई अस्पतालमा देख्दा उनका फ्यानहरु नआत्तिउन् भनेर उनले कोरोनाको कारणले आफू अस्पताल नपुगेको बताएकी छिन् ।
उनले आफू अन्य कारणले अस्पताल पुगेको बताएकी छिन् । उनले अस्पताल पुग्नुको अन्य कारणबारे भने खुलाएकी छैनन् ।
The post अर्की बलिउड अभिनेत्री पनि अस्पतालमा appeared first on Sajha Post.