काठमाडौँ, ३ माघ । बलिउडका भेट्रान फिल्म मेकर राजकुमार हिरानीको नाम विवादमा फसे।
उनको साथमा फिल्म सन्जुमा काम गर्ने असिस्टेन्ट निर्देशकका रुपमा काम गरेकी एक महिलाले उनीमाथि यौन उत्पीडनको आरोप लगाएकी थिइन् ।
मिडिया रिपोर्टका अनुसार उनीमाथि राजकुमार हिरानीले ६ महिनासम्म यौन शोषण गरेको आरोप लगाएकी थिइन् ।
उनले यसबारे फिल्म निर्देशक विधु विनोद चोपडालाई एउटा इमेल पनि गरेको बताएकी थिइन्। तर, फिल्म मेकर राजकुमारका वकिलले उनीमाथि लागेको सबै आरोपको खारेज गरेका थिए ।
अब उनको पक्षमा बलिउडका चर्चित हस्तीहरुले प्रतिक्रिया दिएका छन् । केही दिन अगाडि अरसद वार्सीले उनको पक्षमा प्रतिक्रिया दिएका थिए । उनले भनेका थिए, बिना प्रमाण कसैले पनि आरोप लगाउन हुँदैन ।
त्यस्तै अब फिल्म राइटर जाबेद अख्तरले पनि हिरानीको पक्षमा प्रतिक्रिया दिदै भनेका छन्,’हिरानी एक सालिन व्यक्ति हुन् । म यो फिल्म उद्योगमा सन् १९६५ मा आएको थिए । यस फिल्ममा केहीमात्र सालिन व्यक्तिहरु रहेका छन् । तीमध्येका एक हुन् राजकुमार हिरानी । उनीमाथि आरोप लागेपछि मलाई जिबी साहको भनाइ याद आयो । धेरै राम्रो व्यक्ति हुनु पनि निकै खतरनाक हुन्छ ।’
The post जावेद अख्तर हिरानीको बचाउमा बोले, ‘हिरानी एक सालिन व्यक्ति’ appeared first on Sajha Post.