काठमाडौं, २१ जेठ । आगामी डिसेम्बरमा फिलिपिन्सको मनिलामा आयोजना हुने ‘मिसेस् युनिभर्स २०१८’मा भाग लिन नेपालको प्रतिनिधित्व गर्दै मनिषा डंगोल श्रेष्ठ जाने भएकी छिन् ।
सोमबार राजधानीमा एक कार्यक्रमका बिच ई प्लानेट प्रा.लिले श्रेष्ठलाई ‘मिसेस् नेपाल युनिभर्स २०१८’को ताज पहिर्याउँदै ‘मिसेस युनिभर्स’मा नेपालको प्रतिनिधित्व गर्ने प्रतिनिधिको रुपमा सार्वजनिक गरेको हो ।
प्रतियोगितामा जानुअघि मनिषाले कोरियोग्राफर रोजिन शाक्यबाट अभिमुखीकरण र प्रशिक्षण लिने इ-प्लानेटले जनाएको छ।
दुई सन्तानकी आमा उनी फेसन डिजाइनर समेत हुन् । लामो समयदेखि लन्डनमा बस्दै आएकी उनले त्यहाँ लन्डन फेसन हाउस सञ्चालन गरी नेपाली फेसन र संस्कृतिको प्रवर्द्धन गर्दै आएको नेपाल लाइभलाई बताइन् । उनी गैरआवासीय नेपाली संघमा पनि सक्रिय छिन् ।
डिसेम्बर ३ देखि १० सम्म हुने ‘मिसेस युनिभर्स २०१८’ मा ३० भन्दा बढी देशका ४५ वर्षसम्मका विवाहित महिलाहरु सहभागी हुनेछन् ।
यसअघि इ-प्लानेटले मिसेस युनिभर्समा सहभागिताका लागि २०१३ मा मीना घिमिरे, २०१४ मा रजनी थापा र २०१६ मा पद्मिनी झालाई पठाएको थियो । जसमा घिमिरेले मिसेस कन्जिन्यालिटी र थापाले ब्युटीफुल लेडी अवार्ड जितेका थिए।
The post ‘मिसेस युनिभर्स २०१८’ का लागि नेपालको प्रतिनिधित्व गर्दै मनिषा appeared first on Sajha Post.